Clases de Blender, fotografía e software libre

A domicilio - Área metropolitana da Coruña.

Blender:

Con este curso aprenderás a utilizar Blender para crear e editar modelos 3D con alta precisión e para realizar infografías e visualizacións con acabado profesional.

Aprenderás a traballar con unidades métricas, a aproveitar os comandos de teclado, e a utilizar as ferramentas que permiten crear, editar e posicionar os obxectos con precisión. Tamén te adentrarás no mundo dos modificadores, que permiten transformar os teus obxectos sobre a marcha.

Por último aprenderás a engadir materiais e texturas ó teu modelo 3D, de xeito tradicional ou xerándoas procesualmente. Tamén a crear atmosferas, elementos volumétricos e a traballar coa luz. Aprenderás a seleccionar as mellores vistas, as regras básicas de composición e a modificar os parámetros das cámaras.

---

Fotografía:

Con este curso aprenderás a facer fotografías de alta calidade, tanto no aspecto técnico coma no artístico.

Aprenderás a usar as técnicas de control manual nunha cámara reflex e nun teléfono móbil, e a traballar cos controis semiautomáticos, tanto en prioridade de apertura coma en prioridade de tempo de exposición. Dominarás o control da exposición e da sensibilidade ISO, e verás como traballar baixo distintas condicións de iluminación.

Aprenderás as regras de composición e a como aproveitalas en distintas situacións, así como cando é o momento de rompelas.

Por último aprenderás a traballar en distintos ámbitos da fotografía, coma a paisaxe, o detalle, a arquitectura e o retrato.

---

Na Academia Casabiell a metodoloxía de ensino é cíclica: comezamos por ver o conxunto da materia, cales son os conceptos máis básicos e como poñelos xa na práctica dende o primeiro momento. A partires de aí revisaremos cada apartado e en cada ciclo afondaremos máis na materia, para que con pouco poidas facer moitas cousas na práctica xa dende o principio.

Os cursos máis salientables son:
Fotografía
Edición fotográfica
Cartografía
Deseño gráfico
Presentacións
Documentos de texto
Táboas de cálculo
CAD
Debuxo técnico a man
Modelado e precisión 3D
Renders e infografías
Xeometría procesual
Escultura dixital
Pintura dixital
Animación 2D
Edición de vídeo

Podedes enviar o voso contacto a través das mensaxes para organizar a clase con máis axilidade.