Lara María Fernández Fernández

Ola!

Son Lara, graduada en Filoloxía Inglesa, con máster en profesorado de secundaria e unha experiencia enriquecedora vivindo en Inglaterra que non só me axudou a perfeccionar a lingua, coñecer a cultura en profundidade e namorar do país, senón que me deu unha perspectiva real sobre como transmitir o inglés dun xeito práctico e motivador.

A miña metodoloxía baséase en clases dinámicas e personalizadas. Creo que o éxito na aprendizaxe vén da combinación dun plan estruturado, contidos relevantes e unha boa dose de motivación. Por iso, as miñas clases buscan non só mellorar o nivel de inglés, senón tamén reforzar a seguridade e a confianza do alumnado ao usar o idioma.

Se buscas unha docente que combine experiencia, paixón polo ensino e un enfoque práctico e realista, estarei encantada de axudarche a alcanzar os teus obxectivos. A primeira clase é sempre gratuíta, para que poidas valorar se encaixamos e che gusta a miña forma de ensinar.

Un saúdo,
Lara